A solidaridat estudiantil ye un quefer revolucionario

Foto: AraInfoO pasau miercols 26 de setiembre se fació una manifestación convocada en solidaridat con a vada cheneral que ta ixe mesmo diya feba a cucha combativa d’Euskal Herria y de Grecia. Os nuestros referents sindicals, o PAME y LAB estioron as piezas alazetals d’ista convocatoria de vada combativa. Por ixo Universidat estió y participó d’ista manifestación que amostraba o refirme internacional d’a estudiantalla aragonesa con qui hue, con toda seguridat, marca o camín d’a luita obrera y estudiantil.

Querebanos tamién aproveitar ista manifestación d’o maitin ta luitar contra os retalles que o gubierno colonialista espanyol nos son imposando, asinas como contra o sistema economico capitalista que ye a causa reyal de totz istos enristes contra a clase treballadora aragonesa y internacional. O pasau miercols 26 amostramos a nuestra solidaridat activa con as treballaderas vascas y griegas luitando con as mesmas consignas que ellas; contra o gubierno espanyol, contra os retalles y contra o capital.

Dica o zaguer inte a ista convocatoria garra organización estudiantil s’heba adhibiu y dende Universidat creyemos que isto amostra lo que venibanos sinyalando dende la zaguera anyada: que no bi ha garra fuerza estudiantil que siga revolucionaria, que todas siguen una estratechia y un discurso reformista y que en a suya mayoría son controlaus por partius y sindicatos socialdemocratas. Muitos d’ells levan una estetica y retorica radical, cansos de chilar por una nueva vada cheneral pero incapaces de refirmar una convocatoria combativa como a d’o pueblo treballador vasco. Ye oportunista y contradictorio decir luitar por bell estratechia de baralla social y que quan s’amostra o camín -y lo fa Euskal Herria u Grecia- qui se deciba internacionalista y «critico» se calla porque o suyo referent sindical espanyol contina estando una aina de desmovilización y control d’a clase treballadera.

Tamién as estudiants facioron vada o diya 26 y ye precisament con ixas con as que hebanos de prener mayor esmo y puyar a nuestra solidaridat.En os piquetes d’as universidatz y institutos d’Atenas, Donosti, Bilbo, Salonica u Iruña bi habió estudiants luitando contra os retalles, contra o capital y por o suyo futuro. Pero as organizacions estudiantils espanyolas en Aragón no i participoron d’a solidaridat con ells por puro organicismo y que os suyos sindicatos en EH no han estau capaces de convocar. Ye ista actitut realment sectaria tot lo contrario a lo que ye l’internacionalismo.

O diya 26 s’amostró qui ye coherent y qui no lo en ye con o suyo propio discurso politico y social. Ixe diya as estudiants combativas estiemos refirmando a luita d’o pueblo vasco y griego por as suyas respectives vadas chenerals. O 26 se sacoron as mascarutas a o reformismo oportunista que no refirmó una movilización que yera d’obligación politica convocar.

Portavocía Nacional d’Universidat

AraInfo

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s