Universidat clama a la Vada Cheneral d’iste 29M

O venient chueves 29 de marzo bi ha convocada en Aragón y en l’Estau Espanyol una Vada Cheneral con a que a clase treballadera quier aturar a ofensiva capitalista de retalles de dreitos laborals y socials. Universidat ha estau participando en as esferents asambleyas de facultatz y chenerals que s’han feito en as semanas previas a la vada. Ista ye una Vada Cheneral no solament d’os treballadors y as treballaderas sino tamién d’os y as estudiants que en os zaguers anyos hemos visto un proceso d’aumento d’as privatizacions en a educación, de puyada de taxas y de dentrada de interpresas en a universidat. Dende o Plan Bolonya a o Plan Universidat 2015, o capitalismo quier estricallar o modelo d’educacion publico que hemos teniu dica agora an os y as treballadors podeban, con mayor u menor dificultat, acceder a una educación digna. Con os dreitos laborals y socials en cheneral ocurre lo mesmo, a sociedat toda ye en un proceso de regresión de dreitos alazetals.

Por ixo no podemos deixar que a patronal y o poder faigan o que quiera, a las estudiants y a las treballaderas nos cal fer ista Vada Cheneral que ye tamién Vada Educativa Universitaire ta contrimostrar que no somos d’alcuerdo con o suyo gubierno, que iste sistema no ye de nusatras, que nos cal una Revolución Social. En solidaridat con os y as obreras d’iste país y d’o estau saldremos os estudiants contra a Reforma Laboral pero teniendo muit claro que bi ha muitas atras cosas por as que luitar en iste diya. No queremos que l’obchetivo siga ista vada, queremos que siga nomás o principio d’unas movilizacions que desemboliquen l’asperau proceso revolucionario ta o pueblo aragonés.

No queremos negociacions, no queremos mas traicions a la clase treballadora, queremos  movilizacions, concienciación y luita social: ¿L’obchetivo? Una Vada Cheneral Revolucionaria. 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s